منتديات القلعة الحمراء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مسجات نار--"2"--

2 مشترك

اذهب الى الأسفل

مسجات نار--"2"-- Empty مسجات نار--"2"--

مُساهمة من طرف Admin الخميس مايو 29, 2008 3:17 am

· طنش كل الناس ودوس على اكبر راس مو لأنك ذهب لأنك عراقي وترفع الرأس .

· عساك بخير يل الوافي يلي للجرح شافي عوافي نومتك بالليل وصباحك كالعسل صافي .

· فنان وكلامك جميل وبألغزل مالك مثيل روحك الحلوة عسل ونسيانك تأكد مستحيل .

· مفارك اعز الناس والدمع سايل صاير الحجى وياك بس بالرسايل .

· جعل عيني عقب فركاك تفقد بصرها عيني بلا شوف الحبايب شلي بنظرها .

· احس قلبي فقد نصه والموت لقيته بصفه لمن رحت للدكتور وصفلي شوفتك وصفه .

· مسجون بتهمة حبكم ومفتاح السجن يمكم ترضون اطلع بالعفو لو ابقى سجين بحبكم .

· كون انأسد سنتات واصبح رصيدك كل ما تدك ارقام تذكرني عينك .

· تعرف معنى ABCDاكيد متعرف
A احبك ,B بالي يمك ,C سلملي على قلبك ,D دمرني حبك .

· اكرهك حكرهك بكرهك كرهتك لاتستعجل اخذ اول حرف من كل كلمه وشوف معناها .

· حبال الوصل ممدوده ومحبتكم بالقلب موجوده نفسي ارسلك بوسه بس الطرق مسدوده .

· هلا بالرساله وهلا براعيها لو جتني بلا احرف يكفي انه اسمك عليها.

· ارميني في بير غويط واخدف ورايا ديناميت تطلع روحي تقولك واحشني يا عفريت .

· عساك اتعيش براحه وروحك دوم مرتاحه عسى درب الهنأ دربك وقلبك تكثر افراحه .

· اسف ومنكم خجلان ترى تأخيري مو نسيان لو غابت مراسيلي يبقى حبكم مثل ماكان .

· يا ورد احساسي ويا عطر انفاسي دزلي مسج مو وكع شعر راسي .

· هم قصف هم قناص هم مدفعيه وهم شوفة الحلوين حصره عليه .

· حد سيفه الدهر بحشاي سنتين , ومن عمري بقى يا ناس سنتين
ابشرك برصيدي مـابقى سنتين , واذا عندك رصيد اتــصل بية .

· اخسر النظر واتحمل القهر وافجر مدرعة وهمر بس اريد اشوفك يا قمر .

· ما اسميك كهرباء يقطعونك ما اسميك حصه يأخرونك اسميك مفخخه بكل مكان يخلونك .

· احبك وانا بكماطي يا دكمة من دكم قاطي يا احلى وردة برباطي يا جبن كيري بقواطي .

· ياريت اصير وزير ماليه واحط صورتك على العمله النقديه حتى اشوفك يوميه .

· جمال الليل في نضرة عيونك ونور البدر مرسوم بجفونك وكل الكون ما يسوة بدونك .

· لو انت البحر اني اكبر سباح و لو انت السما اني طير بهواك و لو انت القلب اني التامور وياك .

· يومية الصبح اكتبلك قصيدة ودزه للساكن يعيد بلكن تصيدة .

· اذا حسيت رجلك توجعك اعرف انك تروح وتجي على بالي .

· ما اريد من دمك تسقيني ولا من عمرك تعطيني گول انك بخير هالكلمه تكفيني .

· سميتك قمر خفت تختفي سميتك شمس خفت تغيب سميتك ورد خفت تذبل فسميتك حياتي بغيابك اغيب .

· ودي ارسل لك رساله فيها كلام عسل اخاف تحب الرساله وتنسى الي رسل .

· انت سكر انت هيل انت منورة هاليل تروحللك فدوة كارتات عراقنا واسيا سيل .

· من قلبي ابنيللك قصر ومن عمري ازيدك عمر بس خليك صديقي طول العمر .

· مساء الخير يا عنب يا توت ويا أغلى من الياقوت ويا ورد هولندا وفاكهة بيروت .

· ياريت المسج بوسه ابعثها لاجمل خدود وصوتي رنة موبايل يصيح احبك موت .

· أريد صوتك يناديني... أريد قلبك يحس فيني... وأريد كل ماعطش عمري بنبع الحب ترويني .

· اصيرلك وطن وبلاد واضويلك شمع ميلاد واخليك بوسط عيني اذا ماكفتك بغداد .

· احس القلب محتاجك وطول البعد جارحني اني اسف لازعاجك بس الشوق ذابحني .

· اصعب دمعتين دمعة سجين مظلوم ودمعة حبيب من شوفتكم محروم .

· ادري الرصيد ايروح و افلوسة كلفة هنة خمس سنتات احسبهة لفة .

· احبك بكد ما بالخارطه حدود احبك بكد ما بالخليج اهنود احبك بكد ما بالمعركه جنود احبك بكد ما بطحين الحصه دود

· ابن عم يحب بنت عمه دزلها هذا الدارمي:
طير انته وانا الگاع لابد تحط يوم ... وتذكرني وكت الضيج لو حادك الحوم
فردت عليه:
طير انا ونت الگاع لاكن هيهات احطن ... ولو تعبن الجنحان بالماي اغطن .

· لا يغرك كلامي تحسبني اني انسيت والله انك على بالي كل ما اصبحت وامسيت .

· تعبان ورحت للطبيب وصف لي علاج غريب قبله من الحبيب كل ساعه حتى اطيب احبك يا اغلى حبيب .

· للعراقين فقط حبال الوصل ممدوده ومحبتكم بالقلب موجوده ودي ارسل بوسه للعراقين بس الطرق مسدوده .

· علموني الساعه= ستين دقيقه
والدقيقه= ستين ثانيه
بس ما علموني الثانيه معك = العمر كله .

· كل البشر دولار بس انت يورو....انخاني للشدات تلكاني زورو .

· ان الانسان النابع من اعماق المعرفة الذاتية بالامور الاخلاقية لا يمكن له ان يدرك حجم الكرة الارضية في ظل التكهنات الحديثة في حيثيات القضايا التي لا تمس الدائرة من احد جوانبها...خصم الحچي مشتاقيين. .

· مفارگ بس روحي يمكم و ياجسد يحيا بعدكم الگـلب دگاته احرف ... لو تجمعها تصير احبكم .

· في ليلة حنون وتحت ضوء القمر و تحت اشجار الزيزفون وفوق اوراق الزنبق الطافي اكو عكروك ميت .

· القلب حساس والعيون الماس والحلو فيك انك عراقي وسيد كل الناس .

· تعلن الخطوط القلبيه عن افلاع بوسه قويه نرجو من مطار خدك الناعم استقبالها بحنيه مع تحيات( مطارات الحب (.

· اللهم دمر جوال من يهجرنا برسائله وأسقطهو منهو لينكسر ودمر گفره واقطع عنه الخدمه نهائيا .

· عشكناكم عشك مجنون دومه ايمرعد بثوبه عشكناكم عشك غركان بس الجرف مطلوبه عشكناكم عشك سكران مات وبيده مشروبه عشكناكم عشك مؤمن حبكم اول اذنوبه .

· الف وسفه الدهر عنك بعدني اموت وارتجي لوصلك بعدني تراني على الوعد باقي بعدني وتراك انت الهوى والروح ليه .

· قلبي مدرسه عشاق وانا بالهوى طالب ... كل يوم امتحن بالحب واطلع بالعشق راسب .

· الطفل ينسا حليبه ... الورد يفقد عبيره ... بس اللي يحب بعمره ما ينسا حبيبه .

· يا حلو يا بطل ... من شفتك گلبي عطل ... ما عاد يشتغل لا دفعة و لا چطل .

· انت لو قاسي لو ناسي ... لو تحب وجع راسي ... اذا ما تراسلني ... افرّغ مسدس براسي .

· صفحات كتابي إمتلت باسمك ... ماأدري أدرس المنهج وإلا......أحبك..

· مشتاق الك ياوطن... شكد مانتغرب الك نشتاق... وظنوني بالسفر خطن... نموت وبالقلب اسمك ياعراق .

· مشتاق الك ياعراااااق التضحيات ... بالغربه شنو معنى الحياة؟ دموع+حسرات+الم واهاات*** يردون ننساك لاورب العرش هيهااات هيهااات .

· انت عنب حبك عجب كلك ادب وزنك ذهب انت دائي وانت دوائي انت حبي جواب نهائي .

· الود ودي اكتب اسمك على صدري ولكن يا حبيبي اخاف تزعجك دقات قلبي .

· قلبي اجاكم يهرول رغم ممنوع التجول خلي يبوسكم ويرجع لاتخلونه يطول .

· مطعم الموده يرسلك...مشكل بوسات متبله ... مشوي قلوب مشتاقه ... صحن عيون ولهانه لشوفتك وادفع الحساب برّنه او رساله .

· أدعليك من كل أسدي يفتحها بوجهك قوطيه ببسي مخضوضه .

· خلافك بعداسمرمن ونادم , ومتحسر على شوفك ونادم , عيون الناس مي تجري ونادم , بجت عيناي من فركاك اليه

· بحثت - ما لقيت – أجمل – من – كلمة – أدخلك الله جنة الفردوس بلا حساب .

· مو مرحبا وحدة بل عدة مراااااحب نتعارف وياك ونطلع حبايب؟ .

· يا قطعة من كيكة! يا صوت مزيكة! يا حبة مكنتوشة! وصارت عليها هوشة .

· هم سطل هم مزروف هم يده مابيك ... انعل ابو الينخاك لابو اليخاويك .

· اني سكرا وانت شاي صحيح اني احليك بس انت اذوبني .

· ابي حبك ابي قربك ابي اصبحنبض قلبك ابي زينك ابي شينك ابي اصبح نضر عينك ابي صدك ابي وصلك ابي اصبح فرح عمرك ابي همسك ابي لمسك ابس اصبح دفة شمسك ابي قلبك ابي روحك ابي موتي قبل موتك .

· باجر احد وماكو بغلاتك احد الك مني الف بوسة بس لاتكول لآحد .

· گطعت لساني خاطر ماأحاچيك ... وخاطر ينتهي البيني وبينك
لگيت انوب عيني تسولف وياك ... تگلي أشلون اگص لسان عيني .

· انته بگلبي يا عمري ويا كبد گلبي وظليت احبك و احبك يا وطني العراق .

· متريكَت لان افكر بيك ... متغديت لان افكر بيك ... متعشيت لان افكر بيك ... منمت لان ميت من الجوع .

· انهجم بيت العين هلگد وكيحه........... كل ما يمر حليو وتگلي صيحه .

· ليش انت هيج وياي ليش انت هيجي جي اني هيجي وياك صرت انت هيجي .

· حبكم ماينوصف حدة حبكم هجمة مرتدة .. برازيلي وهجم للگول ياهو اليگدر ايصدة .

· أرتاح يوم اعرف انك بخير وسلامة ولو يغيب الصوت تبقى معزتك ليوم القيامة .

· تحت ضوء القمر ....... وعلى ضفاف النهر ...... وبين أوراق الشجر ........ أكو صرصر ميت !!!! .

· اريد اشوفك تمورو أسدي احترق ماتورو علمودك بطلت الشرق واريد ادخن مالبورو .

· احبك لأن في عيوني صورتك ... احبك لأن على لساني سيرتك ... احبك لأن في اذني صوتك ... احبك لأن حبك ساكن بقلبي ليل نهار ... احبك لأن في جسمي روحك يا روحي .

· جمال الليل في نضرة عيونك ... و نور البدر مرسوم بجفونك ... و كل الكون ما يسوه بدونك .

· امير بشوفتك ... ذوق بهمستك ... ملك بهيبتك ... حلو بضحكتك ... عذاب بغيبتك ... واتمنى شوفتك .

· انته كباب قلبي شرحات حبي وشيش طاوق حياتي وشاورمة افكاري وانا بعدك فلافل .

· وينك يا احلى ملاك غبت والضحكه معاك اصعب ايامي فراقك واحلى ايامي لقاك .

· غمضت عيني گلت برتاح وأثاري خيالك من ورا الجفن مرسوم .

· تخيل شريط بدون فيش ودجاجه بدون ريش وحديقه بدون حشيش وانا بدونك كيف اعيش .

· فلبي مع الرسائل وعيني على الجوال روحي على الشحن بين قوسين (ممكن رساله يا حلو ) .

· اتصلت بيك الخط مغلق سالت لماذا قالو لي حدودنا حدود البشر وانت تتصل بالقمر .

· خليني اعيش حبي الوحيد خليني احبك من بعيد حتى لو قلبك لغيري تمنحه وحتى لو دمعي بعيني تلمحه خلك سعيد بدنيتك وآني سعيد بشوفتك .

· يا محرقني في نار المحبه مهلا فأن دمعي سيطفؤها احرق بها جوارحي ولكن احرص على قلبي لانك فيه .

· مسكت القلم لأشكي همومي فبكى القلم قبل ان تبكي عيوني ذكرى والذكرى شجوني ولأجلكم تدمع عيوني واذا مر الزمان ولم تروني فهذي رسالتي اذكروني .

· احسك تسري ويه الدم اشمك ياعطر ينشم احطك جوه شرياني وعلى كيفك توزع الدم .

· شربت الحب من كاسك وسكرت بانفاسك واحسد كلمن شافك واموت لو غيري باسك .

· ممكن الانسان ينسه بلحظة همه وينسه الورد بعد شمه بس مستحيل ينسه دم جره بدمه .

· رجاءا تتصل على جوالي اتصل بقلبي فتحت الك خط خاص اخذ الرقم (ا ح ب ك ) .

· هوية الحب
الاسم:مجنونك , العمر:ضايع بدونك , الهوايه:رسمة عيونك ,
المهنه:انتضر تليفونك .

· بين القلب والروح اخليك واكتب خطر ممنوع محد يمر بيك( مفخخه )

· نظرة مني وكلمة منك شوك مني واعجاب منك خمسين مني وميتين منك ونشتري جبس .

· انت كوجة انت مشمش حبك بگلبي معشعش انت اريل حياتي من تبعد اضل اوشوششششششش .

· كل البشر حلوين بس انت الك ميزة ...مثلك يدخل الگلب وما يحتاجله فيزة .

· لاتمشي بين البشر خايف تصيبك عين ... مشكلتي لو اخسرك مثلك اجيب منين .

· من دون الخللگ حبيتك وبين اضلوعي ضميتك ومن كثر ماحبيتك بعد عمري سميتك .

· تاكد انك الغالي ومايسوه العمر لولاك ... ولو طالت مسافاتك صدگ لحظه ماانساك .

· نور العين ناسينه شعجب مايتصل بينه ... اذا نرسل يراسلنه واذا نسكت يخلينه .

· قد يحبك الف انسان وقد يحبك من الجن الفان ويبقى حبي لك فوق كل ميزان .

· نور شمسك دافيه حتى لو يحجبه الكسوف ... رنه منك كافيه شون لو تكتب حروف .
Admin
Admin
الملك
الملك

عدد الرسائل : 143
تاريخ التسجيل : 13/01/2008

https://theking-17.own0.com

الرجوع الى أعلى الصفحة اذهب الى الأسفل

مسجات نار--"2"-- Empty رد: مسجات نار--"2"--

مُساهمة من طرف المقاتل الشرس الأربعاء يوليو 09, 2008 9:22 am

مشكوووووووووووووووووووووووووووووووووووووووووووووووووووووور


رفيق
بانتظار المزيد

المقاتل الشرس
مستجد
مستجد

عدد الرسائل : 1
تاريخ التسجيل : 11/03/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى