أمثال شعبية فلسطينية

من طرف مرسال الحب الأحد أبريل 13, 2008 2:51 pm

إبعد عن الشر و غنيله
أكثر من الهم ع القلب
إن عاشرت عاشر أمير وإن إلبست البس حرير و إن عيروك بشي يكون يحرز التعيير
إن كبر إبنك خاويه
إطعم التم تستحي العين
أكل الهدية وكسر الزبدية
أهل الميت صبروا والمعزيات كفروا
أوعد اليهودي بالكفن بيموت
آخر العنقود سكر معقود
آخر الدوا الكي
إبنه على كتفه و بيفتش عليه
إبنك على ما ربيتيه و جوزك على ما عودتيه
تاجرنا بالكفان بطلت الناس تموت

تسمع صوته و تقول نيالك يا أطرش
تلاتة مابينطاقوا : الطق والنق والبق
جبنا الأقرع ليونسنا كشف طقيته و خوفنا
حط راسك بين الروس و قول يا قطاع الروس
خليها بالقلب تجرح و لا بين الناس تفضح
الدار دار أبونا و اجوا الغرب يطحونا
الرجال مش شكلة لتحطيه ع راسك
رجعت حليمة لعادتها القديمة
رخيِّص وكويِّس وإبن ناس
ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط
الشهر اللي ما إلكش معاش فيه ليش تعد أيامه
شو أحلى من العسل قال الخل ببلاش
شو هيّة لحسة حلاوة؟
شو دخّلك بيت عدوك ؟ قال حبيب قلبي جواته
ضربني و بكى و سبقني و إشتكى
طبني طبتك العافيه
الطمع ضر ما نفع
طنجرة و لقت غطاها
على بخت الحزينه سكرت المدينة
على عينك يا تاجر
عملوك مسحر خلص رمضان
العنزه الجربا ما بتشرب إلا من راس العين
الغنى بالغربه وطن و الفقر بالوطن غربه
فخار بيكسر بعضه
قاطع شرش الحيا
قال الله يلعن اللي بيحكي على الناس قال له يلعن اللي بيخلي الناس تحكي عليه
قال شو صبرك ع المر قال اللي أمر منه
قالوا للجمل شو كارك قال بحيك حرير
قالوا للحرامي إحلف قال قرب الفرج
اللي بيشوف مصيبة غيره بتهون عليه مصيبته

اللي بيعرف بيعرف و اللي ما بيعرف بيقول كف عدس
ما حدا بيقول عن زيته عكر
المال السايب بيعلم الناس السرقة
مثل البس كيف ما رميته بيجي واقف
مش كل الوجوه بتنقال لها مرحبا
مش كل مره تسلم الجره
مش كل من صف الصواني صار حلواني
موال براسه و بده يغنيه
مين شاف حبابه نسي صحابه
الهريبه تلتين المراجل
يا طخه يا اكسر مخه
اللي ما بييجي معك تعال معه
احسب العاطلة قبل المليحة
امشي عدل توصل بدري

العدو عدو لو اطعميه حلاوة
لا تذم ولا تشكر الا بعد ستة أشهر
رز الفقير برغل
الشعير للبعير
الطول طول النخلة والعقل عقل سخلة
سبع صنايع والبخت ضايع
النبي وصى على سابع جار
من عاشر القوم أربعين يوم صار منهم
يوم الخميس فصل لحبيبك قميص
الجمعه جامعه والدواعي فيها سامعة
أبو عين فارغة
بياكلوا وبينكروا
يا روح ما بعدك روح
عند البطون بتغيب الذهون
استكبرها ولو كانت عجره
كولها نية قبل ما غيرك يوكلها مستوية
عندك عيش وعندي عيش وفراغة العين ليش ؟؟
الزمن غدار
الله يحيينا ويورينا
كل وقت واعطيه وقته
عشيني اليوم وموتني بكره
اللي من نصيبك بيصيبك

قرش الصبا وابن الصبا بتعوضش
العز للرز والبرغل شنق حاله
خزين الصيف بينفع في الشتا
خبز وزيتون أحسن ما يكون
كول زيت وانطح الحيط
عمارة البيت خبز وزيت
كول فول والحق القفول
ان كان الخبز في البيت فرحت انا وغنيت
الدهن في العتاقي
في آب كول العنب ولا تهاب
كول أول العنب وآخر التين
شتي ع البرتقال وصيف ع العنب
طول ما الكيس مليان تكتر الخلان
الرايب للحبايب، والزبدة للنسايب، والميص للمتاعيس
المغرفة عايرت الدست ، قال كلنا ولاد طبيخ
أيام عنبك وتينك تكتر محبينك، وأيام قشله ونشله ما حدا يعينك
سمره ونغشه، ولا بيضة ودفشة
اللي بياضه ما هو من ربه ، يا رب تعب قلبه

إسأل مجرب ولا تسأل حكيم
ما في شدة إلاّ وراها فرج
العاقل وديه ولا توصيه
جوزت بنتي لارتاح من بلاها أجتني وأربعة من وراها
لو بشوف الجمل حردبته كان بيوقع وبيكسر رقبته
اللي ما بيشقى ما بيلقى
الشحادة عادة
من أمّنك لا تخونه ولو كنت خاين
مثل القرعة بتتباهى بشعر بنت أختها
مثل البوم ما بنعق إلا بالخراب
الفلاح يبذر حبه وبيتكل على ربه
بنت العم بتصبر على الجفا
حلم الجوعان عيش
جوعة على جوعة تخلي القلب لوعة
اللي بسعدها زمانها بتجيب بناتها قبل صبيانها
إللي إِلُه غايب بيظل قلبه ذايب
الخال لولا الشك والد
أهلك ولا تهلك

اللي من دمك ما يخلو من همك
اللي يربط بقبتو حبل بيلاقي ألف مين يشدو
اللي من إيده الله يزيده
الغريب يكون أديب
اللي بيته من قزاز ما يرمي الناس حجارة
التقى المتعوس على خايب الرجا
اللي أمه خبازه ما بيجوع
البّس البوصة تصير عروسه
الرجال محاضر مش مناظر
اللي يحب الورد يتحمل شوكه
الولد ولد ولو صار قاضي بلد
على قد فراشك مد رجليك
صابح القوم ولا تماسيهم
اللي بدق الباب بسمع الجواب
اللي يحضر السوق بتسوق
من عاشر القوم أربعين يوم صار منهم
أكل الرجال على الرجال دين وأكل الرجال على الأنذال صدقة

السر إذا جاوز اثنين شاع
اللي خلفه أبوك لك ولأخوك
كثر الرفرفة يكسر الجناح
نص البطن بغني عن ملاته
قلع الضرس ولا وجعه
الدراهم كالمراهم
اللي عنده مال محيره يشتري حمام ويطيره
ما بعنا بالكوم غير اليوم
أيلول ذنبه مبلول
آخر آب الجو عاب
كانون كن في بيتك كثر ملحك وزيتك
برد الصيف أحد من السيف
البرد سبب كل عله
دق الحديد وهو حامي
المي لا تمشي إلا بمجاريها
الحيط الواطي كل الناس بتنطه
الأسى ما بينتسى

عمر الحية ما صارت خية
عدو جدك ما بودك
ما مات حق وراه مطالب
البيت اللي رباني ما بينساني
الغربة كربة وهم للركبة
البيت اللي تاكل منه لا تدعي عليه بالخراب
يا معمر بغير بلدك ما هو إلك ولا لولدك
بلادك إن شحت عليك مرية
اتعب على أرضك تتعب عليك
يا فرعون مين فرعنك، ما لقيت حدا يردني
الكسرة بيد الفقير هجنه
طول ما الكيس ملان بيكثروا الخلان
ابن ليلة يعرف الشيلة
ماحدا طلع من بطن أمه متعلم
ايش دخلك بيت عدوك، قال حبيبي فيه
هم البنات للممات
اللي ما يطول قطف العنب، بقول حامض
اللي بتطلع لفوق رقبته بتنكسر
قبل ما تدور على مرة دوّر لابنك على خال
العز للرز والبرغل شنق حاله
الصغار زينه الدار
حيِّل النسوان غلبت حيِّل الغيلان
خذ الأصيلة ونام على الحصيرة